KERALA STATE INSTITUTE OF CHILDREN'S LITERATURE

മുന്‍ ലക്കങ്ങള്‍

നിങ്ങള്‍ ഇവിടെയാണ് : ഹോം കവിത തെന്നലില്‍ കുഞ്ഞ്
തെന്നലില്‍ കുഞ്ഞ്

tharat1(ഒരു താരാട്ട്)
ഉണ്ണീ ഉറങ്ങുകിന്നുള്ളം നിറഞ്ഞു നിന്‍

തൊട്ടിലാട്ടുന്നു തൈത്തെന്നല്‍ വീണ്ടും!!tharat2
ഉണ്ണീ, ഉറങ്ങുന്നു ഉള്ളം നിറഞ്ഞു നിന്‍

പുഞ്ചിരിപ്പൈമ്പാല്‍ നുകര്‍ന്ന രാവും!!

കണ്ണിണ ചിമ്മാതിളകാതെ താരകള്‍
നില്‍പ്പിതാ മേഘപ്പടവിലേറി,
കൂമ്പി മയങ്ങുന്നോരാമ്പലിന്‍ ചേലില്‍ നിന്‍
ഓമനപ്പൂമുഖം, നോക്കി നോക്കി...

ഉണ്ണീ ഉറങ്ങുകിന്നുള്ളം നിറഞ്ഞു നിന്‍
തൊട്ടിലാട്ടുന്നു തൈത്തെന്നല്‍ വീണ്ടും!!

ഞെട്ടി വിതുമ്പാതുറങ്ങുകെന്‍ കണ്മണീ
സ്വപ്നം വിതച്ച വഴിയിലുണ്ടേ
ഞെക്കുവിളക്കുമായ് മിന്നാമിനുങ്ങുകള്‍
ആട്ടവിളക്കുപോല്‍ പൊന്നമ്പിളി!!

ഉണ്ണീ ഉറങ്ങുകിന്നുള്ളം നിറഞ്ഞു നിന്‍
തൊട്ടിലാട്ടുന്നു തൈത്തെന്നല്‍ വീണ്ടും!!



സാവിത്രി രാജീവന്‍
വര: സചീന്ദ്രന്‍ കാറഡ്ക്ക